كان في كتير اشيا بتجمعنا
Feb 14th, 2010 | By ma7ada | Category: Bits, Featured Articles
(5 votes, average: 5.00 out of 5)
Loading ...انا وانت
منحب الليل…
منقرا تقريباً نفس الكتب…
منسنمع نفس نوع الموسيقى…
في شوارع بتعنيلنا…
منحب الشبابيك والبواب…
منحب الكبار…
منحب نضحك…
منحب مدينتنا كتير…
منحب القهوة والدخان…
ونقضي ساعات طويلة عم نحكي…
منحب نخربش على الحيطان…
منحب وجوه الناس… ومنصير نراقب تعابيرن هني وماشيين بالشارع … ومنصير نتخيل شو ممكن يكونوا عم بفكروا…
كان عنا نفس الاحلام وتقريباً نفس الهموم..
حتى كان عنا نفس الاحزان…
بس كمان…
كنت انت تحبي القهوة باردة… وكنت حبها سخنة
كنت تحبي الحلو كتير وكنت فضّل المالح…
كنت تحبي الصيف وكنت فضّل الشتي…
كنت تحبي السما زرقا وكنت حبها رمادية…
كنت تحبي الحكي وكنت حب اسمعك…
كان في كتير اشيا بتجمعنا…
حتي اللي ما كنت حبه… صرت حبه لانه بذكرني فيكي… وحبه اكتر لأنه كان يفرحك…
شي ثاني كان جامعنا كمان، والمشكل الوحيد بيناتنا اللي قدر يفرّقنا…
كنا انا وانت نحب نفس الشخص….
انا كنت حبك… وانت كنت تحبي حالك…
وبالاخر لا انا ولا انت حصلنا عاللي بدنا ياه، عاللي منحبه…
لا انا ربحتك ولا انت ربحتي حالك.
I love it!
LZR, again, you overdid yourself
ive read it like 5 times,and i can still read it
100% .. Ktyr 7elwe
Thank YOU ya banat el meem!
it is really nice, its the first poem in “arabic” that makes me smile cz i can relate to it!!!!
I Like! but its sad:(
Ya 3amme, LZR. Wayn hal ghaybe? Great to have you back. Great to have you back, indeed.
Yes sorry for being away Jowel, i’m back, on a regular basis… I hope…
Cheers, to you all…
this brings me goose bumps! ktir helwe!
nice… i love it..