لهيك، ما رح احكي كتير، بس رح قول لالكن، انتوا يللي مشيتوا خطوات زغيرة، بس كان معناها كبير، وما كنتوا كتير كتار بس كان فعلكن كبير:

لوجوهكن يللي حرقوها وشوهوها بنار التخلف والذكورية، بس ضلت واقفة بوجه النار… تحية

لايديكن يللي ربطوها وقطعوها بسكاكين الجهل والعبودية، وظلت حاملة الشعار… تحية

لاجريكن يللي كبلوها بقيود التطرف والخوف، بس ظلت مكملة المشوار…تحية

لعيونكن يللي غمضوها بالظلم والقهر والاستبداد، وظلت مفتوحة وأبية…تحية

لحناجركن وشفافكن يللي خرسوها بخوفهم وضعفهم وعقدهم الأبدية…وظلت تصرخ للحرية…تحية

لصدوركن وأعضاءكن يللي خلوكن تخجلوا فيها وتكرهوها وتحسوا انها عار…ألف تحية

لجروحكن وأوجاعكن ولياليكن السودا والبيضا..لكل مرة قالولكن فيها انكن “للمطبخ وتفقيس الولاد وبس”…لكل مرة حطموكن فيها لأنكن “بنات” وهمكن “ليوم الممات”…لكل مرة خلوكن تحسوا فيها بالنقص قدام أخوكن وابن عمكن وابن الجيران لأنهن “رجال”…لكل مرة مدوا فيها ايديهم عليكن تا يخطفوا أجسامكن أو براءتكن أو سلامتكن أو حريتكن…لكل مرة حرموكن تعطوا فيها الجنسية لولادكن يللي حبلتوا فيهن تسع أشهر…لكل مرة وقفوا فيها بوجه طموحاتكن وأحلامكن وما آمنوا فيكن لأنكن “بنات”…لكل مرة منعوكن فيها تضهروا من البيت أو تسهروا أو تنبسطوا بأنكن “بنات”..لكل مرة بكيوا فيها لمن خلقتوا لأنكن “بنات”… لكل مرة منعوكن فيها تختاروا مين بتحبوا، شاب أو بنت أو ولا حدا…لكل مرة خلوكن تحسوا فيها انكن مش انسان لأنكن “سريلنكيات” أو “فيليبينيات” أو “فلسطينيات” أو “سوريات” أو أو أو…لكل مرة اعتقدوا فيها انو فيهن يلطشوكن ويلمسوكن ويمرقوا ايديهم عليكن لأنكن “ما بتعرفوا تقولوا لأ وتوقفوا بوجهن”…لكل مرة منعوكن فيها تكونوا انتو، متل ما انتو بتحسوا هويتكن الجندرية والجنسية…لكل مرة ربطوا فيها اجريكن ببعضهن تا ما تعرفوا كيف تفتحوهن وتاخدوا القرار يللي بدكن ياه انتو، بكامل ارادتكن، انو بدكن تعطوا حالكن ل يللي بتحبوه/ا … لكل مرة بكيتوا فيها، وفرحتوا فيها، وصرختوا فيها، وسكتوا فيها، وقويتوا فيها، وضعفتوا فيها، وحبيتوا فيها، وكرهتوا فيها، وعصبتوا فيها، وفكرتوا تنتحروا فيها، وحبيتوا الحياة فيها، وحسيتوا بالنشوة فيها… ألف ألف تحية.

لمن كنتوا ماشيين، ما شفت فيكن كم بنت ومرا وشاب عم يتسكعوا عالطريق ويهتفوا حاملين كم يافطة عليهن كم شعار وصورة…شفت فيكن شعب ووطن. ومش حكي هيدا، ومش شعر ومش صف كلام ع الماشي…مع كل صرخة سمعتها منكن، ومع كل خبطة من اجريكن عالأرض، ومع كل نقطة عرق نزلت منكن، وكل لحظة مجد حسيتوها… شفت فيكن ثورة…والأهم، انها ثورة عم تكبر..ولو أخدت وقت، المهم انها خلقت… المهم انكن انتوا كنتوا ورح تضلوا موجودين… المهم انو قلتوا كلمتكن ومشيتوا…

تحية الكن لأنكن انتوا، انتوا…

تحية نسوية الكن، لأنو سنة الجاي، وكل يوم، رح تكونوا نسويات ونسويين…

تحية حرية الكن لأنوا سنة الجاي، رح تكونوا انتوا انتوا، ورح تنزلوا، ورح تثوروا، بس أكيد أكيد في شي رح يتغير..

عددكن رح يكون أكبر.

* هذا المقال موجه الى كل من ساهم في تنظيم واطلاق ونجاح “المسيرة النسوية” التي نظمتها مجموعة “نسوية” في شوارع بيروت بمناسبة “يوم المرأة العالمي”.

http://www.youtube.com/watch?v=ynWFNXJOl7I

هون عنّا ما كان في أي مظاهرات او فعاليات ليوم المرأة، على القليلة ما كان فيه شي سمعت عنو او حدا عزمني عليه… ليه؟ صح، ما أنا مش من نساء الطبقة المخمليّة اللي قضوا النهار عاملين (لغويا “عاملات”) “ريسبشن” بيحكوا عن وضع المرأه (يا حرام) و هم بياكلوا جاتوه و بيستلموا باقات الورد والزيف الاجتماعي. طيب والمسحوقات (والسحاقيات) اللي آكلهم الفقر و الظلم بكل أشكالو؟ عمرينهم…

كتير في أشياء ما عدت افهمها بهالبلد، بس صدف بيوم المرأة اني طلعت جولة لعند جدار الفصل العنصري مع مجموعة من النساء، و بكل محطة عالطريق كان في اشياء تذكرني… أول تذكار كان بـ” رام الله”. وقفت عند الـ ATM و كان وراي رجّال بيحكي مع واحد تاني بيقولوا :”شفتلنا هالعروس اللي قلنالك عنها؟”… كأنو عم بيحكي عن شقه او عفش مستعمل (بس اعوذ بالله ما تطلع العروس “مستعملة” بتصير مشكله بعدين وشرف العيلة بيصر على المحك). و يا عين يا ليل على يوم امرأة اللي يبدا مع هيك صورة تفيد بأنه المرأة سلعة (غير “مستعملة”) بتنشرى و بتنباع. 

بس للصورة في كتير وجوه و كتير أبعاد. هناك ب”نعلين” هالقرية اللي انبنى الجدار على أراضيها وكل يوم عم تكتب التاريخ بمقاومتها ضد الجدار، أول شخصة قابلتها كانت امرأة. فتحتلنا بابها والفقر معشش بالبيت، بس اعطتنا ميّ لنشرب وحكتلنا قصة ابنها اللي عمرو 20 سنة وصرلو 6 شهور مسجون عند الاسرائيليين بس ما في ضدو اي تهم وبعد ما نزل على المحاكمة. كل شي عملو انو كان ينزل كل جمعه بالمظاهرة ويكسر الجدار مع ابناء قريتو. كانت هالمرأة عم تحكي وهي كتير قوية كأنو ما في شي بالدنيا بيهزها.. سألت حالي كيف بعدو وضع المرأه هيك… كيف وعنّا هلقد نساء ما عاد يكسرهم اشي؟                           

كمان ما بعرف… و مشينا ووصلنا للجداراللي ما تغير فيه اشي الا انو صار أبشع و اطول… بلحظة كل شي تلخص… الجدار قدامنا، ومجتمع مريض وظالم من ورانا، والتطرف ع جنبنا، و احتلال من كل جهة. كم معركة بدنا نحارب لنوصل وين بدنا نكون؟ و من وين بدنا نبدا؟ احتلال او تطرف او مجتمع؟ 

ما في كتير مساحه للحيرة وما في كتير خيارات. الـ 3 المذكورين كلهم طرق ووسائل منظمة لتدمير الانسان. بالحقيقة والواقع حربنا ضد الاحتلال والامبريالية ما بتنفصل أبدا عن الحرب اللي لازم نخوضها داخليا في مجتمعنا لنحصل على حقوقنا وحرياتنا ونكسر كل التابوهات اللي محيطة فينا. منطقيا، كيف ممكن انو نحرر بلد لما 50% من اهلها مضطهدين و مسحوقين ومسحوقات داخليا بمجموعة عادات وتقاليد؟ و بنفس الوقت اي حرية للمرأة، قد ما كانت متحررة، لما في احتلال بيذكرها كل يوم انها مش حرة؟ و كيف ممكن تتحقق الحرية الكاملة لما في شيخ حامل عصاية و بيقولك “اضربوهن” و “الرجال قوامون على النساء”؟ 

ما في كتير خيارات، بس في قدامنا طريق طويل لنوصل وين بدنا، و رح نوصل اذا شبكنا ايدينا ووقفنا سوا… بس في كمان اشي مهم كتير لازم نعملو، اي وحدة بتيجي تقول “ظل رجال ولا ظل حيط” لازم ناخدها لعند الجدار تاخد مجدها بظلو، حتى لمّا نكسرو يوقع عليها ويكسر التخلف المزروع بعقلها.

ويللا يا نبض الضفة لا تهدأ، أعلنها ثورة لنحطم كل الجدران!

Contributed byTaqat Falastiniyyeh

This year too, our friends at the Beirut-based Arab feminist collective Nasawiya have decided to take their International Women’s Day (IWD) actions to the streets to interact with people and raise awareness about women’s issues.

After weeks of rehearsals, two groups performed over the weekend of March 6-7, 2010 “Invisible Theater” actions in several locations around Beirut. The scenes performed were about sexual harassment, and a brother meddling in his sister’s life. Go to Nasawiya’s YouTube Channel to see videos from the sibling meddling group’s performance in Costa, Hamra and ABC Mall, Achrafieh.

Developed by Brazilian activist and theater director, Augusto Boal, the “Theater of the Oppressed and Invisible Theater” technique consists of performing a previously rehearsed play in a public space without the public’s knowing that it is a play. It addresses a precise theme concerning social injustice, such as sexism. It is intended to provoke debate and to clarify the problem with the people who experience it.

Nasawiya also printed over 40 congratulatory banners which were hung in and around Beirut. You may have spotted them while you were out and about.

Members and friends also distributed 3,000 Happy IWD stickers in streets, offices and universities.

Through a special partnership with the progressive daily Al-Akhbar, other members contributed articles to the paper’s March 8, 2010 issue, celebrating International Women’s Day.

And while the Nasawiya hive was buzzing, another group of activists documented the collective’s preparations for IWD 2010 in a do-it-yourself video.

Nasawiya’s IWD actions will culminate tonight at 6:30 PM with a “take back the night” march for all women’s rights.

“How many times have we thought twice about leaving our homes at night?” said Farah Salka, Nasawiya’s General Coordinator. “How many times have we dreaded the walk back home, even from the car up to our apartment? How many times have we walked at night, always looking over our shoulders? How many times have we been silenced, just because we were women? That’s why we’ve decided to take to the streets to demand that the night be a safe time for women and remind people that gender equality is an integral part of human rights and that there’s still a lot to do for women’s rights and social justice.”

Nasawiya’s march calls for the elimination of all forms of gender-based violence, be they verbal, physical, and sexual must be eliminated; the elimination of sexism and all forms of discrimination, and exploitation that are based on gender, sexuality, able-bodiedness, ethnicity, race, religion, class, etc.; the right of women to their bodies and sexualities; and the abolition of all laws that violate women’s rights.

Whichever way you’re celebrating International Women’s Day, we wish you all a very happy one.

The revolution continues…

لكل هواتي أقول شكرا…أضم صوتي إلى أصواتهن وأنا اقف بين يدي الله الجائر الواحد في الشوفينية، الموحد في الذكورية والأبوية… لأشهد بأن جسمي لي أنا … قراري انا.

أقف لأحييهن ولأعترف أمام الله الواحد في الشوفينية، الموحد في الذكورية والأبوية ان لا نضال بدون النضال النسوي، وان كل الحريات تبدأ بالتحرر النسوي الراديكالي.

أقف لأحيي أمهاتي العاهرات، أخواتي السيئات، عشيقاتي السمينات، بناتي عاملات الجنس، معلماتي المجهضات، مثيراتي المسترجلات، قديساتي الشبقات، أرتل باسمهن جميعا … باسم الساحرات، واللاجئات، والبشعات، والجنيات، والمجنونات، والمهاجرات، وتحية كاريوكا، والشاذات، والمستعبدات الثائرات، والمثرثرات، والسحاقيات، والملحدات، والوسخات، واكلات التفاح وعاشقات الأفاعي، والمهمشات، والحوريات المسلحات، والمتحولات جنسيا، والمسنات، والعاملات العاطلات، وسماح انور، والسجينات، والغاضبات، والمملوءات نقمة، وحاملات السيدا، والصديقات، المستغِلات والمستغَلات، ونوال السعداوي، والرافضات، والحبالى بدنس، والصديّقات ،والحبالى بدون زواج، وهند رستم، والرافضات للانجاب، والمتحولات جندريا، والواقفات خلف الرجل العظيم وبيدهن السكين، وناقصات العقول والدين، وبائعات العذرية، والقويات، والمعنفات العنيفات، وذوات الأصوات العالية، والمجيبات على كل اهانة، والعاريات، وليلى خالد، والمترهلات، وباكيات دموع التماسيح الحمضية، وراقصات المعابد المتآمرات على آلهتهن، والزوجات الزانيات، والعذارى الوقحات، والفاجرات، وبنات الليل، ولبوات النهار، والمكتملات بدون نصف آخر، ورينيه ديك، والجدات المداويات، والمستبدات، وآلهاتي المستنميات، والسكريترات المضاجعات بائعات أسرار الشركة، والعاشقات هادمات البيوت، والنساء مالكات القضيب، والناكرات للجميل/ القمع، والحريم الخائنات، والمشعرات، والمرفوض شهادتهن، والساقطات، والمجرمات، والصغيرات الثديين، والكبيرات القفا، والراقدات في الزوايا المظلمة… يراقبن ويترقبن ويسنن الأظافر والاسنان والكعوب العالية… واللواتي لا يحتجن الى أسلحة ذكورية ليربحن المعركة أو الحرب…

اليهن جميعا، أقول اليوم، كل عام وأنتن بثورة… لنكون جميعا بخير!

باليوم العالمي للمرأة، من المنطقي نحكي عن الحق بالحماية من العنف الاسري،عن حق الام اللبنانية بالرعاية الكاملة لولادها، عن حق المرأة المش لبنانية بكامل الحقوق، عن  الحماية من العنف الجنسي واللفظي بالشارع، والحقوق الدستورية ابتداءاً من الحق بالجنسية، والخ الخ الخ.

بس اليوم بدي استرعي انتباهكن لاحد الحقوق البديهية ويللي بديهياً منسية. بدي احكي اليوم عن ملكية متنازع عليها منذ فجر العصر الذكوري العريق، عن ملكية صدور النسوان. وقبل ما انطلق بالجهاد الكلامي، بحب الفت نظركن على انو تم اختيار الصدر كجزء من كل، الصدر هون كناية عن كامل الجسد النسائي المتنازع عليه.

نحنا كنساء (حاليات او سابقات) ذوات هويات جندرية وميول جنسية خارجة
عن قوانين التطبيع الذكوري، او بالمختصر المفيد نحنا “الشاذات”، من اكتر نساء
المجتمع المشكوك بجمالهن. من حيث لا ندري، منتعرّض لوابل من الاتهامات بإننا بشعين، متل الصبيان، ومريضين. ومن هون جهادنا لتفكيك وتحليل ماهية المرأة، أو مفهوم انك تكوني مرأة.

ومن هون، منوصل سوا لفحوى الموضوع: “السوتيان”، او ما يعرف بالبزازة، مشد الصدر، الصدرية، الخ. للبنت مدخلين للأنوثة، العادة الشهرية والسوتيان، خياران أحلاهما مر. والسوتيان هيي أول اعتراف ببلوغ البنت سن الخصوبة، بما انو الصدر بيبلش يبين قبل وصول العادة المنتظرة. وعادة بتركض الام لعند أمها، او أي ممثلة للحكمة الأمومية، بتجر البنت وراها، بتتوشوش النسوان، بتقرّب أم الأم من البنت، بتتحسس المنطقة الصدرية. بتتشاور أم الأم مع الأم قبل ما يصدر القرار النهائي: نعم قد أتانا الصدر الاعظم.

البنت عادة بتتحمس لفكرة انو تصير متل الكبار، بتتحمس للاهتمام، ويمكن لفكرة انو حدا يشتريلها شي جديد. بس بعد فترة بتروح السكرة وبتجي الفكرة. من بعد السوتيان الاولى اللي بتكون قطنية ولطيفة واللي ما بتتردد الأم تشتريها لبنتها، بتجي السوبر سوتيان، يلي بتشد وبترفع وبتحسس وبتشكوك. وبعدين في دعايات “كاي-لين” و”لا سنزا” و”فيكتورياز سيكرت”، دعايات السوتيان الخارقة والغالية اللي مش بمقدور كل الأمهات يشتروها، بكون معظم نساء لبنان سوتياناتهن من تبع الخمسة آلاف ليرة. ثم فوق الدكة شرطوطة، السوبر سوتيان بدها عناية خاصة، غسيل عالايد وبمي باردة. واخيرا وليس اخرا في الفوارق العائلية البسيطة والمتناقلة من الأم للبنت، عن ضرورة لبس السوتيان اثناء النوم او عدمها، ضرورة لبس السوتيان فور النهوض من النوم او فور الخروج من البيت، هل استقبال الجارات للصبحية من دون سوتيان لائق او لأ، هل يجوز لبس السوتيان المزخرفة تحت قميص رقيقة (اي هل يجوز اظهار الزخرفة) ام لا؟ هل يجوز اظهار شرائط السوتيان ام يجب اللجوء لشرايط بلاستيكية شفافة ؟

اسئلة كتيرة بيرجع الجواب عليها للتقاليد العائلية ومعايير اللياقة او عدمها. وانما بيبقى ثابت لا محالة ضرورة لبس السوتيان، ليش؟ ترتيب. عيب ما نلبس سوتيان. شو بدك تمشي انت وصدرك مشطشط؟ اصلا انا ما برتاح كون بلا سوتيان، بحس حالي غلط. يه! شو هالسؤال السخيف! شو بدك الدني كلا تتبحلق فيه يعني؟ اصلا مش شايفة صدري شو كبير؟! (او اذا صدرها زغير) يه! بيصيروا الشو اسمن طالعين (الشو اسمن هني الحلمات طبعا).

الحجج كتيرة والنتيجة ما بتتغيّر، مش ممكن تكوني مرا بلا سوتيان. وبتحدّا اية لبنانية سوتيانية تقلّي انو عندها القدرة تمشي بلا سوتيان برياحة. بالأول في الشعور بإنو صدرنا رح ينقطش، بعدين في شعور الزكزكة الغريب، وبعدين في البارانويا انو الناس بتعرف انو انا مش لابسة سوتيان وعم تضحك عليي. بعدين في تأنيب العيلة.

ومننسى انو السوتيان مش هيي الوضع الطبيعي، هيي نوع من التطبيع الجسدي، اداة من ادوات اجبار الجسد على اتخاذ شكل معيّن، نوع من الخوف من طبيعتنا المتنوعة واكيد نوع من الغش. هيي الفكرة انو صدر المرا جزء حميم من جسدها، على عكس كل الثدييات والرئيسيات (قرود، وما سواها) الانثى الانسانة بتطور صدر مكتمل بشكل دائم، بالوقت اللي بتكتفي سائر الانثيات بصدر مكتمل بفترة الرضاعة. تساءل العلماء (اللي معظمن رجال على فكرة) عن السبب، وكترت النظريات. اكتر النظريات المتوافق عليها انو الانثى البشرية صدرها دائم نظرا لضغط اجتماعي اغوائي بيطلب منها انها تكون دائما جاهزة لاغراء الرجل.

هلق متل اي جزء من جسد المراة بتكتر المستلزمات، وبتكتر نظريات نسوان الفرن. الصدر المشطشط  يعني كتير ملعوب في، فاذا انت مش مجوزة ضرورة يكون صدرك شديد. صدر البنت مش طبيعي يكون مشعر، وهون زيارة لسيلكور ضرورة قصوى، لأنه صحيح البنت ما رح يشوف صدرها الا جوزها بس هيدا الشي ما بيعني انو زوجها وتاج راسها رح يقبلها اذا صدرها مش احلس املس. بالمختصر المفيد صدر البنت ملك عام مخبى بقشرة بصلة، للكل الحق بابداء الرأي فيه والمشورة والأوامر.

وهون مش لازم ننسى انه السوتيان ما خلقت من عدم، انما هيي خليفة سلالة عريقة من وسائل التعذيب والتحجيم المتخصصة بتصعيب حياة المراة. السوتيان اختراع سادي فظيع بترجع جذوره عالقليلة لإيام الاغريق. بس السوتيان بترتبط بشكل خاص بثقافة الكورسي، واللي ما بتفهم تعبير “كورسيه” عالطاير هوي المشد اللي كانت تلبسوا نساء اوروبا لرفع الصدر طلوع. وبما انو الاوروبيين ما كان عندن فهم لمبدأ “كل شي زاد بالمعنى نقص”، وصل “الكورسيه” بأوجه لحدود خطيرة، من رفع الصدر بشكل بيصعّب التنفس ويسبب الاغماء، لممارسات شنيعة متل نزع آخر ضلع او ضلعين من القفص الصدري لتحقيق الشكل المثالي.

مع مرور الوقت وحلول الحرب العالمية التانية بشكل خاص، اضطرت المرأة الغربية لدخول سوق العمل من بابه العريض، وما عادت بس نساء الطبقة العاملة هني اللي بيشتغلوا، بمعظم الاحيان بتنظيف المنازل وخدمة الطبقات الاجتماعية العليا. وهيك اقتحمت شريحة واسعة من النساء السوق، اشتغلوا بالمصانع والمعامل للتعويض عن نقص الرجال. فبالتالي، وللمرة الاولى، انتبه المجتمع الغربي لخطورة الكورسيه والاعاقة الطوعية اللي بيفرضها على النساء. مش ممكن للمرأة تشتغل اذا لابسة كورسيه. بس بطبيعة الحال مش ممكن للمرأة تعيش بصدر متحرر، فتم تطوير ما يعرف بالسوتيان، أداة بتكمش الصدر بس ما بتخنق عالاخر.

ومن هيدا المنطلق تكرست مع مرور الزمن السوتيان على انها رمز للذكورية الغربية، وتبنت مجتمعات ذكورية اخرى السوتيان كأداة تحكم بصدور النسوان، ورمز تحكم بسائر اعضاء ونفوس النساء.

للسوتيان العديد من الاعداء الطبيعيين اللي ما رح يسمحلنا هيدا المقال بالتوسع فيهن كلن فرح نكتفي بذكر تنين منن. اول اعداء السوتيان تاريخيا كانوا النسويات الاميريكيات البيض، في الستينات، اللي كانوا بعدد من المناسبات يحرقوا السوتيان نظرا لرمزيتها القمعية الذكورية. وانتقلت حمى حرق السوتيان لسائر المجتمعات النسائية المناهضة للقالب الغربي للذكورية، وبشكل خاص باوروبا.

بالمنطقة العربية ما شهدت الساحة النسوية (بعد!) ظاهرة حرق السوتيان. وذلك لأسباب عديدة، منها انه النسويات العربيات كانوا اولا مناضلات ضد الاستعمار، ثم مناضلات ضد الطبيقية والاقطاعية المستشرية. اما حاليا، فراح الاستعمار ورجعت الاقطاعية مقبولة اجتماعيا، اما النسويات فانحسروا بالصراع ضد محو الهوية الشخصية على حساب اما العولمة او التيارات المتشبهة بالدينية. بالوقت ذاته، تاريخنا مع السوتيان بيختلف عن تاريخ النسويات البيض الغربيات. نحنا لما نتطلع على السوتيان منشوف الماركة اللي هيي اما امريكية او متشبهة بالامريكية، وفقا للميزانية.

بهيدا السياق، ما تم استهداف السوتيان بالتاريخ العربي الا بسياق استهداف جسد المراة. متل لما “حركة الشباب الاسلامي” بالصومال اصدرت فتوى حرمت فيه لبس السوتيان بحجة انها نوع من الغش. فكان الحل بالنسبة الهن انه اية امراة بتنلقط لابسة سوتيان بتنجبر تشلحها قدام الكل (ما تسألوني كيف) وتنجلد قدام الكل.

طيب شو منستخلص من هالحديث الطويل؟ هينة نقول انو “حركة الشباب الاسلامي” ما الها حق تجلد النسوان بتهمة لبس السوتيان. وبعد اهين انو نقول ما اله حق المجتمع يجبرنا نلبس سوتيان؟ بس السؤال اللي بيطرح نفسه، هل الن الحق يحرّموا السوتيان من الاساس؟ والنسويات البيض الغربيات، هل الن الحق يحرقوا السوتيان؟ لأي درجة السوتيان ما زالت رمز لقمع الصدر النسائي؟

بالنهاية، اللبس مفروض يكون اختياري، ومش كل النساء بيلبسوا سوتيان لأنهن مجبورين. بس شو الفرق بين الخيار والفرض الاجتماعي غير المعلن؟ بالنسبة الي كان التخلي عن السوتيان جزء من طريق طويلة، بعدني بأولها، للتحرر من كرهي لذاتي، من حاجتي لقمع جسدي، لمصالحة جسدي، للصدق مع ذاتي، لمقاومة نظرات العالم واهانات العيلة، للمصالحة مع واقعي الطبقي كجزء من الطبقة العاملة اللي مش بمقدورها تصرف على اللبس. وأهم شي، انا شلحت السوتيان احتراما لجسدي، اللي عم بتعلم، شوي شوي، كيف ما جرح فيه بمختلف ادوات التعذيب متل السكر، والسوتيان، والمكياج، والكعب العالي، والصبغة، والتياب الضيقة.

بس هيدي خبرتي انا مع السوتيان، خبرة شخصية جدا. ما بسمح لحالي اعتبر مثلا انو المرأة الترانس اللي حاربت المجتمع بأجمعيته لتلبس متل البنت اللي هيي بتشوفها وبتحترمها جواتها، ما بسمح لحالي اعتبرها عم بتخون مبادئي انا للنسوية. النسوية ايمان عميق بحرية الاختيار وحرية الوجود. وما بسمح لحالي اعتبر انو البنت/المرا اللي بتلبس سوتيان لأنها بتعرف انو اذا راحت عالشغل بلاها اكيد بتنشحط، ما فيني اعتبرها خاينة لأنها ما عم بتضحي كرمال تتحرر، بالنهاية التحرر المفرغ من التحرر المادي هوي لعبة “نفاريش” المجتمع اللي عايشين بصومعتن.

غلطة النسوية الغربية البيضة كان عنادها المطلق. صحيح انو هيدا العناد هوي اللي ساعدها تتحدا مجتمع كان مصر يحطمها، بس هوي العناد ذاته اللي غمضلهن ضمائرهن لما جربوا نساء ذوات تجربة مختلفة انه يتواصلوا معهن. ومشكلة الحركات المشابهة ل”حركة الشباب الاسلامي” انهن بصراعهن المشروع لمواجهة قوات ارهابية غربية، نسيوا انه الانسانة والانسان أدرى الناس بمصلحتهن  الشخصية.

Contributed by Ghoulama