أصوات "شاذة كتير"
Hulyo 4, 2010 | By Guest Contributor Category |: Bareed 3A Mahlo
(7 votes, average: 5.00 out of 5) 
Naglo-load ... عندنا بأصوات, في اجتماعات شهرية منناقش فيها كتير مواضيع ذات أهمية. ومرات, اللقاء بيدور حول مشاكلنا اليومية وصراعاتنا مع المجتمع ومع الرجعية!
عندنا بأصوات, في دورات تدعيم متعددة, منها ما يهدف إلى تعزيز القيادة النسوية, ومنها ما يثير نقاشات حول الحقوق الإنسانية وحول حقوقنا كنساء في مجتمع يقدس الذكورية!
عندنا بأصوات, في "اليوم المفتوح" إللي فيو منعمل اشيا فعلية ... منقرأ كتب .. منحضر أفلام .. منضحك ومنتجادل كمان! هاي الأيامات هيي تثقيفية وبنفس الوقت ترفيهية.
عندنا بأصوات, من شي شهر أصدرنا "وقفة بنات", كتابنا الجديد اللي بضم 22 قصة. كل قصة انكتبت علي ايد صبية مختلفة, انكتبت بطريقة جريئة ورفعت صوتها وقالت كل الحقيقة ...
"وقفة بنات" بيثير نواحي مختلفة من مثليتنا العربية.
"وقفة بنات" هو كمان صرخة من صرخاتنا الأصواتية!
عندنا بأصوات في رحلات وفي كمان حفلات ... احتفلنا بمناسبة يوم المرأة العالمي, واحتفلنا باليوم العالمي لمكافحة رهاب المثلية! وطبعا دايما بنطمح لتحقيق انجازات جديدة ... وبعدها فورا منبلش نخطط لحفلة قريبة!
بتعرفوا وينتا صرت أقول "عندنا بأصوات" ..?
بهداك اليوم لمن حسيت حالي وحيدة وحسيت اني بحاجي لعيلة تدعمني وتحسسني اني بهالدنيا مش غريبة! دخلت على الانترنت وبلشت فتش عن قصص .. قصص صبايا زيي .. عربيات .. فلسطينيات .. شاذات! وبموقعنا لقيت قصتي مكتوبة بعدة أصوات!
لقيت قصتي مش شاذة ... لقيتها موجودة بكل مخاوفها, بكل جرئتها, بكتير أبعاد وبكتير أشكال ... وبوقتها ..
تحول عندي الشذوذ لمثلية!!
الخوف تحول لفخر وبحث عن التغيير ولو حتى بسرية!!
الوحدة تحولت لعيلة صغيرة فيها فهمت انو لميولي الجنسية في شرعية.!!
الضياع تحول لهدف .. وصراع من اجل التحرر والحرية!!
وحتى خزانتي ... خزانتي ما عادت أبدية!!
بوقتها فهمت انو في طريق جديدة! أصوات محل بيحويني .. بيدعمني وبيقويني ت حتى بشي يوم أرفع صوتي قدام الناس وأقولن:
"من صوت شاذ كتير لمجتمع رجعي مستسلم للتأخير,
كفى اعتراضات, كفى مرافعات, نحنا بشر ومن حقنا نعيش بحرية .. من حقنا ندافع عن حقوقنا بكوننا أقلية .. نحنا بشر من حقنا ما نعيش منبوذين .. وما نعيش مضطهدين .. من حقنا نعيش متل باقية العالم مكرمين .. وها هي قضيتنا ...
مثلية .. فلسطينية .. وعربية ".
ومني الكن تحية نسوية
Di بقلم - أصوات
كنت قول أكيد أنا مش لحالي مثلية بهالحياة
كنت دور على حدا أو على شي يخفف شعوري بالوحدة
ولقيت أصوات وحسيت إنو في حدا أكيد بيساعدني وبيفهمني ومثلي
وحسيت حالي وحدة من هالأصواتيات مع إنهن ما بيعرفوني ومافي تواصل بيننا
بس أكيد في شي خفي بيجمعنا
ومن أصوات أكيد اتعرفت على بخصوص
ومابصدق ليجي نهار الاثنين لإقراها
وأكيد سلام لإلك
Dee ... ...
وأنا بموت فيك دي وبأصوات
ولما بفكر فيكو صبايا أصوات وبأصوات
بشكر اللي خلقكوا عشر مرات
انه جمعني فيكو وبأصوات
وخلاني فخوره بحالي وفيكو وبأصوات
عشان هيك لما بدك تقول أصوات
حط \ ي ايدك على راسك وقول \ ي أصوات
وبس أصوات وميمات وحلمات وبخصوصيات
ومثليات وكمان مليون مره أصوات
ورقصني يا جدع
زوي صوت من أصوات
[...] Ito paskil ay nabanggit sa nerbiyos sa pamamagitan ng PalestineFrdmProject. PalestineFrdmProject sinabi: Rt @ AswatGroup: أصوات "شاذة كتير" بصوت دي الأصواتيه @ http://www.bekhsoos.com/web/2010/07/many-deviant-voices-aswat/ [...]
thanks fara7 u dapat sumali sa amin sa aswat ibig naming may u dito:)
Zoieee u're ang bestttt dearrr aking ... namin ang lahat ng pag-ibig u at miss u dito: D: **
سألوني الناس ... مالك نافشة ريشك وبتحكي رايك بحرية
مش شايفة حد من متر ولا معطيتيهم اهمية
وماحد بطلع معك براس وشخصيتك قوية
قلتلهم كل هاد اكتسبتوا مع اكم صبية
كلنا متل بعض وكلنا فخررر ... لاننا اصواتية
برافو دي
كل الاحترام الك
Di
أحلى تحية نسوية لأحلى صوت شاذ كتير!
salamat Guevara ew bravooo 2elek kaman:)
تسلميلي يا قلبي انتي
برغم عدم مثليتي, و انو عرسي قريب مع شخص بحبه كتير, فبحس لازم اقلكن شي كتير بيعنيلي تعرفوه يا صبايا
اول ما بديت علاقتنا العاطفية انا حبيبي و اللي هوي صديقي من فترة طويلة ورح يكون ابو ولادي, سألته سوألين بيهمني معرفة جوابهم كتير: شو بتعمل لو جبنا طفل - ة عندهم اعاقة ذهنية او حركية? و شو بتعمل لو طلع حدا من اولادنا مثلي?
بالنسبة اله الجواب ع السوأل الاول كان اسهل من التاني, و بلشنا نفكر سوا بصوت عالي
لما, وقعتت بالصدفة ع بخصوص, مرقتلو اللينك يقراها
قرينا سوا كتير اشيا, ضحكنا بكتير مرات, و تناقشنا بأفكار كتير بتنطرح بموقعكم, وتأسفنا ع جهل و عمى مجتمع رافض يشوف ناسه الا ضمن إطار صورة متخلية مش عارفة مين حطها عنهم. وفي مرات كنا نتأوه ع قديش حلوة النصوص و نقول لبعض انو فينا نبدل الاسم او ضمير المخاطب و يكون نص حب رائع ممكن يكتبه اي حدا فينا للتاني
نقاشنا حول كيف ممكن نتعامل مع اطفالنا ف يحال كان حدا منهم _ او بلكي كلهم _ مثليين عم بيصير اله ابعاد انسانية اكتر و اعمق, عم بحب كيف منفكر, و عم بكون ممنونة دايما انو الكم دور كبير بهيك
انا بشكركم, عني و عن حبيبي و عن ولادنا الجايين, لو كانوا مثليين فرح يجووا ع العالم و نحنا عارفين انو في عيلة كبيرة رح تهتم فيهم و ترعى اختلافهم غير نحنا طبعا, ولو لأ: رح يتعرفوا اكتر من خلال ناس متلكم قديش الاختلاف _ شو ما يكون نوعه: جنسي, سياسي, ديني _ رائع ومثري للحياة
بخصوص هالرسالة اللي يمكن ما كان في داعي اطرز موقعكم فيها, كان بيهمني تعرفوا يا صبايا انو مش لحالكن بنضالكن لعالم افضل و انو عم تحفروا بوعي اخرين يمكن مش معنيين بشكل مباشر بشو عم تعملو يوم بيوم, بس بالاخر ما فينا ننقى خيار وفقوس لما منقرر انو رح نحمل سلة حقوق الانسان
شكرا بخصوص, نورتو عقلنا و قلوبنا و بكرا اللي جايي النا و الكم و لولادنا كلنا
hhhh thanks rimaa yes صوت شاذ كتير: D
Shukran M, 3ala el ta3lee2, sara7a 2a3tani 2amal!
kteer e7sas 7elo enu shof nas Fe msh mithliyeen bifakro bhek tare2a
ew katipunan ng mga anekdota bwafe2 "Me" ya "M" ew b7eb h2olek eno 3njad KoĹ el e7tram 3la hltfker el monfte7 kter b7es ipinagmamalaki lmn bshof Fe 3alam metlek bukas isip;) salamat sa iyo
Salamat sa iyo para sa pagiging kaya brve sa break ang katahimikan at mukha ng mundo sa kung ano ang ikaw ay. sa tingin ko sadyang dapat sa iyo ang lahat ng aming paggalang at pagpapahalaga para sa lahat na iyong ginagawa. Hindi ito dapat madali, ngunit ikaw ay hindi nag-iisa, pag-asa ko. Ako ay nagpapasalamat sa inyong mga pagsisikap upang gumawa ng mga tao tulad ng sa akin umisip na muli ang tungkol sa maraming isyu malalim at lantaran sa pamamagitan ng iyong mga mata.
Ako amkeeping isang mata sa iyong site, at ay palaging higit pa sa masaya na magsaya at encourge mo o lumahok sa anumang panahon para sa akin na gawin sa iyo.
Lahat ng mga Best,
M.
good luck batang babae