بخبركن عن مرتي
Nov 29th, 2009 | By aphrodite | Category: Arabic عربي, Featured Articles, Poetry, Ramblings, & Fiction
(11 votes, average: 5.00 out of 5)
Loading ...
بخبركن عن “مرتي” اللي ما في متلها اتنين بالعالم.
كل يوم الصبح بتوعى، بحس بشفافها ع خدي مع طلوع الضو. بحس بضحكتها أنا ومغمضة عيوني. بحس انها وعيت، وانو العالم كلو وعي معها. بسمع صوتها بالمطبخ عم تحضر “نسكافيه” (بتحب السكر كتير مع القهوة، بس بتشرب الشاي بلا سكر). بسمع غنيتها اللي كل يوم الصبح بتسمعها “فايق لما راحوا أهالينا مشوار…تركونا وراحوا قالوا ولاد زغار…ودارت فينا الدار…ونحنا ولاد زغار…والهوا جمعنا…”
بسمع صوتها جايي من بعيد عم يغني. وبيصير يقرب يقرب تا توصل لعندي، وتقرب من دينتي وتهمس“مين بدو يشرب معي أطيب قهوة؟“ ببتسم ع الخفيف. صرلي واعية معها من أول ما وعيت وهي مش عارفة. منشرب قهوة الصبح، منحكي كتير، منضحك كتير.
كل يوم بتطلع بعيونها، وبتأكد انو هيدا كل شي بدي ياه من هالعالم، وانو عليهن بس، بدي اوعى كل يوم.
ومنروح ع الشغل. نحنا وع الطريق، بتصير تعصب من الاشارات الحمر وتقول “انو ع دوري!”
وكل ما يمرق ولد عم يبيع ورد، ما فيها إلا ما تشتري منو وردة (صار عندها محل ورد في كل أنواع وألوان الورود بالسيارة).
بيقطع نهارنا، منشتغل، منركز بالشغل، مناكل، منشرب قهوة.
بس كل هيدا، بكون ناطرة ارجع ع البيت تا شوفها (مع انها ع الوصلة بتبلش تنق ع الشغل وهيك). وبعرف انها ناطرة ترجع ع البيت تا تشوفني. ع شي الساعة ستة، بتمرق لعندي ع الشغل تا نرجع ع البيت. كل يوم لمن انزل من الشغل واطلع بالسيارة، بتكون تاكية راسها لقدام ع “الديريكسيون“ ومغمضة (بالحقيقة هيك تعرفنا ع بعض أول مرة). منوصل ع البيت، منحضر العشا سوا، مناكل سوا، منحكي كتير، منضحك كتير، بتطلع بعيونها، وبتأكد انو هيدا كل شي بدي ياه من هالعالم، وانو عليهن بس، بدي اغفى كل يوم.
بخبركن عن “مرتي“، عن ضحكتها اللي بتعطي معنى لضحكتي، عن أول يوم شفتها فيه، والتاني، والتالت، والسنة الأولى، والتانية والتالتة.
بخبركن عن أصحابنا لمن عرفوا، كيف ما تفاجأوا لأن ولا يوم قدرنا نخبي هالحب اللي واضح بيناتنا.
بخبركن عن يوم اللي نقينا المحابس، واخترنا البيت سوا، وسيارة “الهيونداي“ السودا، عن كيف فرشنا الصالون وغرفة النوم شوي شوي (وتخانقنا ع لون الصالون أسود ولا أحمر، آخر شي وصينا ع صالون أسود وأحمر).
بخبركن عن أول مرة نمنا فيها سوا بتختنا ببيتنا، وما كنا مصدقين انو نحنا ببيتنا، عن كيف قبل ما ننام بتمسكلي ايدي تا نحلم ذات الحلم.
بخبركن عن أول مرة قلتلها فيها “مرتي“، وقالتلي فيها “مرتي“، عن أول مرة وعيت وكانت هيي حدي ناطرتني تا أوعى.
بخبركن عن أول مشكل عملناه، وآخر مشكل عملناه، وكل المشاكل يللي بيناتن. وبخبركن انو ورا كل مشكل، كنا نكتشف قديش ما فينا نعيش بدون بعض.
بخبركن عنها لمن تعصب كيف بيصير وجها أحمر بخلال 3 ثواني، وبعد ما نعصب ونصرخ بتختم المشكل ب “طيب متل ما بدك“، وبتروح بتعمل فنجان قهوة وبتدخن سيجارة عالبلكون (مع العلم انو هيي ما بتدخن، وبيطلع شكلها كتير بيضحّك هيي وعم تفش خلقها بالسيجارة).
بخبركن عن مشاويرنا، عن أصحابنا، عن كيف كل ما نمشي بالشارع بتمسك ايدي وبتقلي “كم مرة بدي قلك ما تمشي بلاي؟”
بخبركن عن الشتوية سوا، والصيفية سوا، والربيع سوا، والخريف سو..
بخبركن عن الأيام الحلوة والصعبة اللي مرقنا فيها سوا.
بس المهم انو ولا مر، إلا كنا سوا.
وهلق رح خبركن انو كل شي خبرتكن ياه كان وهم وكذبة وخيال.
لأنو نحنا عايشين بلبنان. لبنان، مطرح ما بعدنا ما فيني امسك ايدها بالشارع، وقلها “بحبك” وتقلي “بحبك“، بلا ما نتأكد عشرين مرة قبل، انو ما حدا شايفنا.
WOOOOWWW 3N JAD WOOW!!
y3ni el sater el 2akher bidba7!
ra2e3! kteer mu3aber…kteer mutheer wbi2ash3er el badan!
Oh… Ktir 7elo..
Amazing!
I love this! Stuff like these will make me read more arabic!
ouuff…too good to be true….very strong editor !
Ms. Aphrodite just read this thing to me because I don’t read Arabic, I only understand it. Very nice & touching. I love the way you ended it & the questions it’s going to bring in people.
While you were reading it, I was thinking about how people will react to it. The shock is there anyhow.
Whether they are happy for you or disgusted by you.
The ending is a sad one for the first group & a happy one for the second.
As for me, I loved the story, the way you described “martik”. I imagined it in my head; there was happiness. I won’t say any more because the feelings I have are very personal & I’m not about to share them with the whole world
Wowwww, thats amazing, ktirr 7abeit, i started dreaming with you, with every word, line by line i was imaging my girl and me together living that.. And i m planning on fighting the system and do it, here in Lebanon!!
بس كان حلم جميل ، و ممكن يكون حقيقة في يوم من الأيام ، و فعلا يستحق!
euf..
this is probably the best article i’v read in bekhsoos so far..
Respect for the writer . . . from a Guy who supports all human rights NO EXCEPTIONS
keep it up guys !
George Tarabay
ouhhhh 3ayashtina yeha
I loved it! I loved it! I loved it!
I loved it! I loved it! I LOVEEEEEEEEEEEEED ITTTTTTTTTTTTT
this should be also translated to English so we can share them to those who doesn’t read or understand Arabic!
i was imagining two cute couple in my head..fighting over red and black..and living happy life..
and i was completely shocked at the end..as if somebody woke me up from the nice dream..to face the sad reality!
good job Aphrodite..i hope i can meet you one day
أود أن أستبدل السطر الأخير “وهلق رح خبركن انو كل شي خبرتكن ياه كان وهم وكذبة وخيال” بهلق رج خبركن انو كل شي خبرتكن اياه كان حلم, وشوي شوي سوا منحققوا, بس نبطل نفهم انو نحنا مش مثليين بس بالبارات, وقتا ما نتحرك و نتضامن” خلينا نكون ايجابيين…
very good job though, and equally romantic
This is amazing…
simply brilliant
AMazing work
I could actually see the whole thing in my head, it’s my dream and you actually described it beautifully…
The end came as a shock, because i was already in dreamland picking rings with my imaginary partner… god where on earth is she….
The ending was really to the point and it hurts, but i know that with the work you girls are doing this sad reality will change and things will improve, at least in lebanon… I believe in lebanon’s ability of letting us live the dream.
i actualy lived every moment with my g.f for almost 3 years…nd the end of ths story was her reason to leave me and deside it to change her life….
hi guys i am a 21 male bisexuel and would love to meet others mail like me plz can anyone tell me how ???? or where ?
love is love ,.. and I love my women just like she said
Wow. Chapeau bas, Aphrodite.
J’ai tout simplement adoré, mais je n’ai décidé de poster qu’après avoir fait lire cet article à mon amie hétéro. Elle a eu la chair de poule, elle a eu les larmes aux yeux, et en lisant la fin, elle a pleuré. C’est juste pour prouver que l’amour est le même partout, beau, magnifique et noble. J’espère juste qu’un jour, nous n’auront plus à le vivre cachées.
i loved it…i cried…i imagined myself with my “marte”….everyone should read this, especially those who don’t “understand” who we are….
one of the best articles i’ ve read here so far…keep it up! =)
hehe.. Society’s a b*tch