|
عبّر عن فرحك بالعربي..عبّر عن حزنك بالعربي
غنّي عن حبّك بالعربي ...صرّخ عن غضبك بالعربي
اشكي عن تعبك عن ضجرك ..اكتب عن أملك عن ألمك
خبّر عن أهلك عن شعبك....
بالعربي أنا مثلية
وبعرف انو لغتي بتحميني و بتأمّنلي هالحرف تيعبر عني
حتى لو عم ناقض حالي واكتب "بالعامية"
بلكي بحس بشوية حميمية وشوية دفا لأني تعودت انو اذا بدي
احكي عن موضوع محرم متل المثلية لغتي ما بتستوعبني
تعودت اكتب عن كل الاحاسيس اللي بقلبي بلغة غريبة عني
..بيسهل عليي احكي فيا كتير ويمكن احيانا اللي بحكيه بيفقد
كل الاحساس اللي فيه لأني بحس بالعربي ...وبدور ع حدا
..بيحس فيني بالعربي
كم كلمة عربي صرت كاتبة؟ ما مهم ...بس يا ترى كم عربي بيحس
بالكلمة اللي عم احكيها؟
كم عربي بيحترم المشاعر اللي بين السطور وبيقدر يفهمني او
ع الاقل ما يحكم عليي من كلمة
"انا
مثلية"
|
