ما بدّي تحبّيني

1 Star2 Stars3 Stars4 Stars5 Stars (10 votes, average: 4.10 out of 5)
Loading...

7,569 views

رح يصرلنا شي ثلاث أشهر ما شفنا بعض. وأنا ما بسترجي إحكيكي كرمال ما ضايقك. بنطر مرة بالشهر تسلمي عليي واتسائب.

أنا ولا مرة طلبت منك تبادليني مشاعري أو حتى تحبيني. ولا مرة كان بدي منك شي أكثر من إنو  تسمحيلي أنا حبّك.

كرمال هيك، أنا هلق مش عم بكتب حتى قلك خلينا نرجع، وأعمل دراما وحنّنلك قلبك. أنا فاهمة إنو نحنا مش زابطين سوا.

آخر مرة قلتيلي إنك “بتحبيني كثير”… بس كصديقة. أصرّيتي إنو نضل أصحاب لما غمرتيني وكنت أنا عم ببكي متل الولاد بين أحضانك. بعرف إنك ما بتكرهيني وإنو ولا لحظة قصدتي تأذيني، وولا مرة قبلتي إبكي بسببك، وبعرف إنك بتنظريلي إني شي حدن كثير بريء وما بتحبي تزعليه. وكمان بعرف كثير منيح إنك مش قاسية. وإنك أطيب قلب التقيت فيه.

بقى ليش هالقسوة بالتصرف معي؟  ليش هالبعد وهالصمت كله؟ أنا شو عملتلك؟

كل اللي بدي ياه إنك تكسري هالجليد يللي بيناتنا وتخليني كون شوي قريبة منك.

بدي تسمحيلي إهتم فيكي، لما إنتي يكون عبالك.

لما تكوني تعبانة من الشغل إحكيكي وضحكك أو إبعتلك شِعر لنزار أو أعمل حيالله شي يفرحك.

لما يكون حدا سامملك بدنك، إحكيكي واتسائب  وقلك بدي دعوسه وكسّرله راسه وإفرمه متل البقدونس وقطّعه متل البندورة وفرفطه متل البصل وأعمله تبولة.

بدي تسمحيلي إكتبلك شعر وإشيا حلوة تقريها وتمبسطي فيها متل قبل.

بدي لما تكوني مش مشغولة، نلتقى. نشرب كاس بالحمرا سوى أو ننزل على عين المريسة. ونحكي عن إشيا بتضحك ونسمع أغاني حلوة.

وبدي أنا ولّعلك سيكارتك، وأرجع لما تخلصي حطّلك على إيديكي Hand gel وإفركن وضلّ بوّسهن… متل قبل.

وقبل ما فل إذا طلعلي غمرة بريئة صغيرة منك بتكوني ملّكتيني الدنيي كلها، ونحن لكم من الشاكرين.

بدي إنك تكوني عارفة إنو في حدن دائماً حدك وبحبك كثير بصدق،  ومستعد لأي شي كرمالك ومش ناطر أي مشاعر منك بالمقابل.

بدي لما شوف ستايتس مهضوم حاطتيه على الفايسبوك إقدر حطلك لايك أو تعليق بلا ما كون خايفة إنك تفكريني عم حركش. لأنو إنتي لما تحطيلي لايك على شي بصفحتي،  بكون عندي عيد وبكون عاملة مهرجان وبصير كل نتفة فوت إتفقد إنو اللايك بعده.

لأنو كل شي إلو علاقة  فيكي هوي بالنسبة إلي مقدس.

بدي تضلي تعرفي إنك إنسانة رائعة وإنو وجودك هوي أحلى شي بهيدي الحياة.

أنا بعدني بحبّك جنون، لأنو مش عم بقدر ما حبك صراحة. شو بعمل إنتي ع سلامتك وما في منك والله وكل شي فيكي بينحب.

وبتعرفي منيح إنو جنوني رايق. وإني دايما إيجابية. ولا يوم بضغط بشي عليكي.

أبداً ما رح ضايقك أو حسسك إني بغار حتى لو خبرتيني عن حدا تاني بتحبيه. وحياة أغلى شي عندي إني رح كون طايرة فرح لما أعرف إنك مبسوطة، حتى لو مش معي.

وإنتي بذات نفسك قلتي كذا مرة عني إني حدن ولا مرة أذاكي بكلمة أو جرحك أو ضايقك بأي شي.

يعني بتعرفي إني مش رح سببلك اي إزعاج.

أنا التجربة كلها كانت قاسية عليي. ما بدي إحكي هلق قديش تعذبت وقديش عانيت. وما عندك فكرة عن الجحيم يللي عشته وبعدني عم عيشه.

وتذكري إنو الحياة قصيرة كثير، وما فيها شي بيحرز.

 

 بقلم Camelia

Related Posts with Thumbnails

15 Responses to “ما بدّي تحبّيني”

  1. farah

    Aug 11. 2013

    where is part 2 ??? very touchy article, and thank you for writing in Arabic it feels more realistic.

    Reply to this comment
  2. Luz

    Mar 07. 2013

    Trop beau!

    Reply to this comment
  3. Camelia

    Dec 14. 2012

    hey :) i’ll be back soon bi article ykammel hayda

    ha ykun esmo ”ma bade t7ebine (part 2)”

    akid ba3ed mouwefa2it team bekhsoos 3aley

    thx for all ur comments. really thx :)

    Reply to this comment
  4. leogirl

    Oct 13. 2012

    Bhal wa2t ele katabty feh hal article my gf was kissing a “trace” which i thought shes hunging out and pass time 3ala bo3d almsefe bainna !! We are apart now i pushed her away but i really feel what u wrote bs no way esma7 yser hal she, njara7t khasa lmn t3ti kl she b2lbk w what u get is cheating !! Alla yse3dna ..cheers

    Reply to this comment
  5. El Escritor

    Sep 14. 2012

    I decided to see read a bit today, and this one caught my eye. I couldn’t have said what I was trying to say any better… just one question…

    do you still feel the same towards her? the way you wrote about it.. around 3 months ago?

    beautifully written…

    Reply to this comment
  6. Jele

    Sep 10. 2012

    روعــــــــــــــــــة وصادقة وبتهز المشاعر،يسلمو!

    Reply to this comment
  7. LeDyke

    Aug 07. 2012

    This is amazing! Simple words, deep meanings… I feel like the author of this piece has had the chance to walk into my mind and verbalize it all.. I love it!

    Reply to this comment
  8. Fruit

    Jul 25. 2012

    touching but there’s an issue…such experiences break u down more than making you move forward so try to overcome those feelings as O.G said…

    Reply to this comment
  9. hearted

    Jul 24. 2012

    w ana kamen befhamik…

    Reply to this comment
  10. T.C

    Jul 14. 2012

    this is beautiful :’)

    Reply to this comment
  11. sarah

    Jun 20. 2012

    befhamik …

    Reply to this comment
  12. emma

    Jun 19. 2012

    Ok… am tearful with goosebumps

    Reply to this comment
  13. O.G

    Jun 19. 2012

    الحب من طرف واحد موت بطيء انصحك تتخلصي منه وهي فرصتك بما ان هي بعيده!

    Reply to this comment
  14. louse

    Jun 18. 2012

    can i love both of u . as ur beautiful

    Reply to this comment

Leave a Reply